IJ NEMIS

S’ai na j’é, viva lor ! ... Gnente paura,

Lasommie ‘n pò ch’a fasso lòn ch’ai pias,

ch’i loma ‘ncor la man basta sicura

për gavesse le mosche da ‘n sël nas.

Fintant ch’an lasso sté, vivoma pura

- da na part e da l’autra - an santa pas,

ma s’an cimento, piomje la misura

ch’i peusso deine ‘n meter për un ras.

Esse brav a va bin ; però... nen tròp.

Quand che la bissa a sghicia sò velen

ël mei da fé l’é rompie ‘1 fil dla schin-a.

Difendsse, prima ; perdoné... peui dòp.

Esse, ‘nt’un mond d’assel ò ‘d geladin-a,

né luv, né feja... e spaventesse nen.

Nino Costa